നുറുങ്ങു നൊമ്പരങ്ങള്‍

25-05-13

ഈ പെരും കൊള്ളക്കാരുടെ നാട്ടില്‍ 

ഒരു കൊച്ചു കള്ളനെങ്കിലുമായില്ലല്ലോ 

എന്നതാണിന്നെന്റെ ദു:ഖം !

മലയാളം ശ്രേഷ്ഠമാകുവാന്‍ 

മലയാളി ശ്രേഷ്ഠനാകുവാന്‍

മലയാളം വായിച്ചറിയണം!

24-06-13

വഴികള്‍ നിയമത്തിന്‍ വഴിക്കെന്നതൊരുകൂട്ടം!

വഴികള്‍ നിയമത്തെ വാഴിക്കാനെന്നൊരുകൂട്ടം!

വഴിയറിയാതലയുന്നു വിശക്കുന്ന ജനക്കൂട്ടം

01-07-13

കര്‍മ്മം അധര്‍മ്മത്തെ 

വളര്‍ത്തുമ്പോള്‍ ധര്‍മ്മം 

സകര്‍മ്മകമായിടും !

22-08-13

കണ്ണാടി വിഗ്രഹം 

തൊഴുകെന്നു ചൊന്ന ഗുരുവോ 

കണ്ണാടിക്കൂട്ടിലായി

08-09-13

അഴിമതികള്‍ക്ക് 

'അഴി'യില്ലാതെയാവുമ്പോള്‍

'മതി'യായിപ്പോവുന്നു !

16-09-13

ഇന്നലെകളോ ഇന്നോ 

അതോ നാളെയോ 

എന്നെ ആരാണ് തടവിലാക്കിയത് ?

17-09-13

ഞാനില്ലയെങ്കില്‍ നമ്മളുണ്ടാവില്ല !

ഞാന്‍ ഞാനാവണമെങ്കില്‍ 

നിങ്ങളും അവരും വേണമെന്നോ ?

19-09-13

കണ്ണടച്ചുപിടിക്കുന്നു 

മുഖക്കണ്ണാടി 

വൈകൃതം മറയ്ക്കുവാന്‍

20-09-13

Everybody says no.. never..! 

Somebody should come 

For yes.. forever...

24-09-13

നാവു നീട്ടി ചിറി തുടക്കുന്നു 

ഇളനീര്‍ക്കുലകളെ നോക്കി 

കുറേ വാക്കത്തികള്‍ !

24-09-13

ഉയരത്തിലുത്തരത്തില്‍ 

കഥയറിയാതെ ആടുന്നു 

ഒരു മലപ്പുറം കത്തി !

25-09-13

ചെകുത്താനും കടലിനും 

നടുക്കൊരു തുരുത്തുതേടി 

നീന്തിനീന്തിത്തളരുന്നു കഴുത !

26-09-13

പറഞ്ഞു പുകഴ്ത്തി 

ഞാനൊരു മഹാസംഭവമാണെന്ന് 

ഞെളിയുന്നു നീര്‍ക്കോലി !

മൊഴിമാറ്റങ്ങളും 'കിഴി'യാട്ടങ്ങളും

അരങ്ങുനിറഞ്ഞു വാഴുമ്പോള്‍ 

വിദൂഷകന്‍ വിഷണ്ണനാവുന്നു !

27-09-13

ഒടുവിലീവാരിധി നടുവില്‍ 

തുരുത്തൊന്നിലണയുന്നു ഗർദഭം..

അതു "സമ്മതിനിരാസ"മെന്നാകിലും..!

28-09-13

മാ നിഷാദാ...

നിഷേധികളാല്‍ നിഷ്ഫലമാക്കാതെയീ   

മഹാജനാധിപത്യം !

ഹൃദയം പകുത്തു നീ 

നേടിയ സൌഹൃദം

വഴിയിലെക്കുഴികളില്‍ 

വീണുടഞ്ഞോ ?

01-10-13

ഇരട്ടത്താഴിട്ടു പൂട്ടി

കോലോത്തെ ഭണ്ടാരപ്പെട്ടി 

തട്ടിന്‍പുറത്തെ എലികള്‍ !

അമ്പത്തൊന്നെന്നക്ഷരങ്ങളാല്‍

എണ്ണിയുറഞ്ഞാടിയവര്‍

ഏമ്പക്കവും വിട്ടുറക്കത്തിലാണല്ലേ...! 

02-10-13

നാഥുറാം കരയുന്നു 

ഗാന്ധി ജനിച്ചില്ലായിരുന്നെങ്കില്‍

എന്നോര്‍ത്തപ്പോള്‍

07-10-13

ഞാനും ഒരു മരത്തലയന്‍ 

ആയതിനാല്‍ നീയും 

ഒരു നേതാവായി !

08-10-13

തലക്കനം കൊണ്ട്

കണ്ണ് തുറക്കാനാവാതെ 

തറവാട്ടു കാരണവന്മാര്‍ !

18-10-13
ഉടുമുണ്ടഴിഞ്ഞു വീഴില്ലഹോ..!
അധികാരം കൊണ്ടരഞ്ഞാണം
തിരുമനസ്സിന് ..!

19-10-13

ഇരതേടിയലയുന്നു മാതൃകം 

മഞ്ഞിന്റെയുടയാട

മാറുന്നയിടവേളയില്‍



എരിയുന്ന ഹൃദയത്തില്‍ 

ഉയരും ജ്വരാഗ്നിയാല്‍ നെടുനീളെ

യോടുന്നു ജീവിതപ്പാതയില്‍ !


20-10-13

മൂപ്പെത്തിയാല്‍ മൂപ്പനാകും 
മുഴുപ്പെത്തിയാല്‍ മുഴുവനാവും 
മിഴി പൊത്തിയാല്‍ കുരുടനാവില്ല !


23-10-13

കടുപ്പമേറുന്നു നിരന്തരം 
കടും കാപ്പിക്കും ലഹരിക്കും 
പിന്നെ വെറുപ്പിനും

27-10-13
തല്ലു കൊള്ളുവാനേറെയിഷ്ടമോ..? 
അമ്മനാക്കിന്നു കൊമ്പു കോര്‍ക്കുവാന്‍ 
വീണ്ടുമമ്മൂമ്മ വന്നതെന്തിനാം !