എന്തോ..രുന്മാദമായിരുന്നു ..!
എന്തോരനന്തമാമാലസ്യമായിരുന്നു ..!!
മൃദുലാസ്യ ലഹരിതന്നുത്തുംഗ മേരുവില്‍
അവരോഹണം ചെയ്തങ്ങാകാശവീഥിയില്‍
അമ്പിളിമാമനെയുമ്മവെച്ചീടവേ
തളിരിലയില്‍ ഊറുന്ന ഹിമബിന്ദുവായി
കുളിരേകി യൊഴുകുന്ന ജലധാരയായി
എന്തോ..രുന്മാദമായിരുന്നു ..!
മണിയറ പൂകുന്ന മണവാട്ടി-
യണിയുന്ന, മലര്‍മാല മണമേറ്റു-
മദരാഗമറിയുന്ന, മണവാളനെ-
രിയുന്ന മദനോല്‍സവത്ത്തിന്റെ,
പുലര്‍കാലെ വിരിയുന്ന
പുതു മന്ദഹാസം.................
എന്തോ..രുന്മാദമായിരുന്നു ..!
ഞാനെന്നൊരുണ്മയെ
സാകൂതമറിയാതെ
എന്തേയെനിക്കു
ഭവിച്ചെന്നറിയാതെ,
വീണ്ടുമെന്‍ പ്രജ്ഞയെ കൂട്ടിലടക്കട്ടെ
ഇനി ഞാനൊന്നുറങ്ങട്ടെ ..............
No comments:
Post a Comment